இனி உங்கள் பாடு!

அன்றாடச் செய்திகளும்
அண்டை உள்ளோர் சொற்களுமே
அறிமுகம் செய்திருந்த
உயிர்க் கொல்லும் புற்றுநோயால்

ஆரம்பக் கல்வி முதல்
ஆண்டாண்டு உடனிருந்து
ஆனந்தம் கொண்டிருந்த
உயிர்த் தோழன் ஆட்கொண்டான்!

என்னுமந்த சேதி கேட்டு
விம்மி விம்மி நீர் வடித்தால்
'நட்பு' என்னும் பெயர் கொண்ட
உணர்வதுவே உயிர்க் கொண்டு

உடனிருந்த தருணங்களில்
ஊமையாய் இருந்துவிட்ட
நம்மிரு கன்னங்களை
காலணியால் பதம் பார்க்கும்!

இனி
புகை மதுவை கண்டிப்பதோ
புதைத்த பின் கண்ணீர் விடுவதோ
உங்கள் பாடு!